Tiyak na ang muling pagtatambal ng dating magka-love team na sina Jolina Magdangal at Marvin Agustin sa isang pelikula.
Ayon kay Marvin, right timing na lamang ang kailangan para masimulan na ang nasabing pelikula.
Ito ay dahil medyo busy ang schedule ni Marvin sa pagsisingit sa idinidirek na digital series kasunod ng pagtatapos sa isang kurso sa film sa Amerika, gayundin ang pag-aasikaso sa kanyang mga negosyo.
Sinabi pa ni Marvin na wala nang sasaya pa sa kanila ni Jolina kundi ang muling gumawa ng pelikula at ibigay ang kahilingan at kaligayahan ng kanilang fans.
Matatandaang, una nang inanunsyo ni Jolina na nagkasundo na sila ni Marvin sa magiging takbo ng love story ng kanilang comeback movie.
Ilan sa mga naging pelikula nila Marvin at Jolina ay ang “Labs Kita Okay Ka Lang”, “Gimik The Reunion”, “Hey Babe” at “Flames the Movie”.
