Plano ni Poll Chairman George Garcia na magtatag ng Commission on Elections (COMELEC) Academy sa ilalim ng kanyang termino.
Paliwanag ni Garcia, sa pamamagitan nito ay sasanayin at tuturuan ang lahat ng papasok at kasalukuyang empleyado kaugnay sa kanilang mga tungkulin at responsibilidad.
Nais ni Garcia na lahat ng bagong hire ay sumailalim sa training at matutunan ang kanilang curriculum.
Sasailalim din aniya sa required trainings maging ang mga kasalukuyang empleyado.
Sinabi pa ng Poll Chief na kanyang ipag-uutos ang pagsasagawa ng feasibility study kaugnay dito.
Samantala, nais din ni Garcia na bumuo ng Office of the Comelec spokesperson bilang permanenteng entity, at isang COMELEC marshal.
