Iniurong sa unang linggo ng buwan ng Marso ang COMELEC Debates ng National Candidates para sa May 9, 2022 elections na ikinasa ng Commission on Elections (COMELEC).
Ayon kay COMELEC Director Elaiza David, patuloy pang pinaghahandaan ng ahensya ang naturang debate kung saan, pinag-uusapan pa ang proseso para dito.
Bukod pa diyan, mayroon din silang mga guidelines na pina-aaprubahan sa Comelec En Banc na inaasahang maaaprubahan ngayong linggo.
Matatandaang ikinasa ng COMELEC ang ‘Hybrid Debate’ kung saan ang mga kandidato ay maghaharap-harap habang virtual naman ang panonood ng mga supporters bunsod narin ng COVID-19 pandemic. —sa panulat ni Angelica Doctolero
