Umapela ang Commission on Elections (Comelec) sa mga lokal na opisyal na ipabakuna ang mga election officers at mga assistants bilang paghahanda sa nalalapit na national elections.
Ayon kay Commissioner Rowena Guanzon, mahalagang mabakunahan ang mga elections assistant at election officers para matiyak ang kaligtasan ng mga magpaparehistro sa mga barangay.
Lumarga na muli ang voter registration sa Metro Manila at sa iba pang kalapit lalawigan gaya sa Bulacan, Cavite, Rizal at Laguna na isinailalim sa “general community quarantine witth heightened restrictions”.
Una rito sinabi ni Commissioner Antonio Kho na isinasapinal na ng “new normal committee” ang guidelines para sa susunod na eleksyon.
