Nakahanda ang Commission on Elections (COMELEC) para sa sabay-sabay na pagsasagawa ng 2022 barangay at Sangguniang Kabataan elections at apat na plebisito.
Ayon kay COMELEC chair George Garcia, hindi nakadepende ang isang electoral exercise sa iba pang electoral exercises.
Hindi naman aniya puwedeng ipagpaliban ang mga plebisito dahil mayroon ding batas ukol dito kung kailan dapat isagawa ng ahensya.
Giit pa ni Garcia na naghihintay rin ang mga lugar na maaapektuhan ng plebisito.
Tiniyak na naman ng Comelec sa publiko ang kahandaan ng ahensya sakaling magkasabay-sabay ang isang national o lokal election kasama na rin ang mga plebesito.
