Nagsagawa ng walk-through sa transparency media center ang Commission on Elections o COMELEC sa University of Santo Tomas (UST).
Ito ay dinaluhan ng mga miyembro ng media at iba pang stakeholder ng halalan para sa lokal at pambansang botohan sa May 9.
Kabilang din sa mga dumalo sina chairman Saidamen Pangarungan, commissioner Marlon Casquejo, George Garcia, Rey Bulay, poll body spokesperson James Jimenez gayundin ang representative ng IT service provider na Smartmatic at Parish Pastoral Council for Responsible Voting (PPCRV) board of trustees member Riza Mantaring.
Samantala, tiniyak ng COMELEC sa publiko na ang transparency server ay nasubukan at hindi na mangyayari ang naganap na pitong oras na pagkaantala sa transmittal election results noong 2019.
