Kukwestyun mismo ni Pang. Rodrigo Duterte si COMELEC Spokesperson James Jimenez kaugnay sa pinasok nitong Memorandum of Agreement (MOA) sa Rappler hinggil sa pagsasagawa ng fact checking ngayong panahon ng eleksyon.
Ayon kay Pang. Duterte, nais niyang malaman mula mismo kay Jimenez kung ano ang kanilang mga naging kasunduan ng Rappler para isulong ang naturang MOA.
Kumpiyansa naman ang pangulo na aakysyunan o maglalabas ng kanyang desisyon ukol dito si newly appointed COMELEC Chairman Saidamin Pangarungan.
Samantala, inihayag pa ng punong ehekutibo na buti na lamang at naibasura na ang MOA sa pagitan ng COMELEC at Rappler matapos na kwestyunin ito ng solicitor general sa Korte Suprema.