Tiniyak ng Senate Blue Ribbon Committee na magpapalabas ito ng committee report kaugnay sa 81 million dollars money laundering scandal.
Ito ang inihayag ni Senate Blue Ribbon Committee Chair Teofisto Guingona III bago pa man ito bumaba sa kanyang puwesto.
Kabilang sa mga lalamanin ng naturang report ay ang pag-amyenda sa Anti-Money Laundering Act kung saan, isasama na ang mga casino sa mga babantayan ng mga foreign establishment.
Isasama rin sa lalamanin ng naturang report ang pag-amiyenda sa foreign currency gayundin sa Bank Secrecy Law.
Magugunitang hindi pinalad si Guingona na makapasok sa magic 12 ng mga kumandidatong senador nitong nakalipas na May 9 national and local elections.
By Jaymark Dagala
