Naglabas na facial composite sketch ang pulisya sa umano’y spotter sa pagpatay kay National Center for Mental Health Chief Dr. Roland Cortez at driver nito na si Ernesto Dela Cruz.
Ayon kay QCPD Criminal Investigation and Detection Unit Chief Police Major Elmer Monsalve, ang naturang spotter ang nagbabantay sa biktima bago mangyari ang insidente.
Una rin aniyan napagkamalang gunman ang nabanggit na spotter.
Samantala, sinabi ni Monsalve na nagpapatuloy pa ang kanilang imbestigasyon para matukoy ang pagkakakilanlan ng gunman lalo na’t may sinusundan silang kuha ng CCTV sa lugar ng krimen.
Dagdag pa ni Monsalve, kanila na ring napag-alaman na nakatatanggap na ng mga banta sa buhay si Cortez bago pa man ang pagpatay rito, batay na rin sa salaysay ng asawa ng kanyang driver.
