Naniniwala si House Speaker Pantaleon Alvarez na matutuloy ang Con-Ass o Constituent Assembly sa Kongreso sa kalagitnaan ng taong kasalukuyan upang maamyendahan na ang 1987 Constitution.
Ayon kay Alvarez, umaasa siya na pag-aaralan na ng mga miyembro ng binuong Consultative Committee ang mga panukala para sa mga pagbabago sa Saligang Batas.
Paliwanag ni Alvarez, ang kulang na lang ay ang appointment ng mga magiging kasapi ng Constitutional Commission at kapag natapos na ito ay sisimulan na nila ang kanilang trabaho.
By Jelbert Perdez
