Mas sabik na sabik umano ngayon ang singer na si Tom Jones para sa nalalapit niyang concert sa manila.
Kumpyansa ang “Sex Bomb” hit maker na hindi na mauulit ang pagkakaudlot ng pagtatanghal nito sa Pilipinas.
Matatandaang naantala noong 2010 ang concert sana nito nang magkaroon siya ng acute laryngitis.
Pero ngayong maayos na muli ang kanyang kondisyon, excited na umano ang 75 anyos na si Tom Jones na pasayahin ang kanyang mga fans, lalo na ang mga kabataang pamilyar sa mga sumikat niyang kanta.
Kabilang na rito ang mga 1960s hit na “It’s not unusual,” “Delilah,” at “Kiss.”
Gaganapin ang concert ni Tom Jones sa sabado sa Araneta Coliseum.
By: Avee Devierte
