Pormal nang naihalal bilang House speaker si Taguig – Pateros Cong. Alan Peter Cayetano sa pagbubukas ng 18th Congress.
Nakakuha ng 266 na boto si Cayetano habang 28 boto lamang ang nakuha ni Manila 6th District Rep. Benny Abante Jr samantalang dalawang kongresista ang nag – abstained habang isa naman ang hindi bumoto.
Ninominate si Cayetano nina Davao City Rep. Paolo Duterte, Marinduque Rep. Lord Alan Velasco at Leyte Rep. Martin Romualdez.
Sa talumpati ni Cayetano, hinikayat nito ang mga mambabatas na gawin ang tama at gawing tunay na kinatawan ng sambayanan ang Kongreso.
