Libu-libong trabaho ang ini-aalok ngayon ng Department of Labor and Employment (DOLE) para sa mga Pilipino lalo na sa mga labis na naapektuhan n COVID-19 pandemic.
Ayon kay Labor Asec. Dominique Tutay, kabilang sa mga industriya na naghahanap ng maraming tauhan ay ang business process outsource (BPO) at construction.
Aninado rin si Asec. Tutay, na malaki ang naging epekto ng pagbagsak ng turismo sa pagkonti ng mga trabahong maaaring i-alok sa publiko.
Karaniwan aniyang patok na trabaho sa ngayon ang nasa sektor ng turismo dahil sa sunud-sunod na pagdiriwang tulad ng Chinese New Year, ang dapat sana’y summer break at mga pistahan.
