Naaresto sa Pasay City ang isang Israeli national na Chief Operation Officer (COO) ng isang call center sa Metro Manila dahil sa pagkakasangkot sa Crypto investment fraud sa Germany.
Ayon kay Bureau of Immigration Fugitive Search Unit Chief Rendel Sy, kinilala ang suspek na si Levy Kfi na mayroong warrant of arrest sa Europe at The International Criminal Police Organization (INTERPOL) dahil sa nabiktima umano nito sa naturang investment fraud ang 200 German nationals.
Samantala, kumita aniya ang kumpanya ng suspek ng halos 400 milyong piso kaugnay sa nasabing investment scam. —sa panulat ni Airiam Sancho
