Wala na ang Cory magic.
Binigyang diin ito ni Political Analyst Professor Ramon Casiple kaya’t hindi dapat ikinukumpara ng Pangulong Benigno Aquino III ang kanyang inang si dating Pangulong Corazon Aquino kay Vice Presidentiable Leni Robredo.
Sinabi ni Casiple na hindi magiging epektibong hakbang ang pagbuhay sa EDSA People Power revolution para maimpluwensyahan ang 2016 elections.
Gasgas na aniya ang paggamit ng nasabing usapin tuwing may eleksyon.
Kasabay nito, pinayuhan ni Casiple si Senador Bongbong Marcos na kailangang harapin ang reyalidad ng Martial Law sa kanyang campaign sorties kung ayaw nitong maging bangungot ang usapin kapag nanalo siya bilang vice president.
By Judith Larino | Bert Mozo (Patrol 3)
