Inihayag ng Department of Health na inalok ng COVAX facility na pinamumunuan ng World Health Organization (WHO) ang kagawaran na palitan ang COVID-19 vaccines na naibigay nito sakaling mag-expire bago gamitin.
Ayon kay National Vaccination Operations Center (NVOC) Chair Myrna Cabotaje, mayroong sapat na vaccine supply hanggang sa katapusan ng taon.
Aniya, umaasa siyang magagamit ito bago masira.
Una nang sinabi ni Presidential Adviser for Entrepreneurship Joey Concepcion na mayroong 40B na halaga ng bakuna sa COVID-19 ang posibleng masayang dahil sa mababang bilang ng mga nababakunahan. -sa panulat ni Airiam Sancho
