Nakapagtala ng karagdagang 233 na bagong kaso ng COVID-19 sa hanay ng Philippine National Police (PNP).
Sa inilabas na datos ng PNP health service, umakyat na ang bilang ng COVID-19 cases sa 17,194.
2,400 sa mga ito ang nananatiling aktibo sa virus.
Sa kaparehong datos nadagdagan din ng 278 ang bilang ng mga gumaling sa COVID-19, dahilan para lumobo ang bilang nito sa kabuuang 14,751.
Samanatala, nasa 43 na ang bilang ng mga nasawi sa hanay ng PNP dahil sa COVID-19 makaraang madagdagan ito ng isa.
