Nadagdagan ng 2,586 ang bilang ng gumaling sa Coronavirus Disease 2019 (COVID-19) sa bansa dahilan upang pumalo sa 1,096,109 ang kabuuang bilang ng lahat ng gumaling.
Mayroon namang 55,531 na natitirang aktibong kaso habang 141 naman ang nadagdag sa bilang ng mga nasawi, bunsod nito sumampa sa 19,763 ang lahat ng namatay dulot ng virus.
Samantala, nakapagtala naman ng 6,258 na karagdagang kaso ng COVID-19 sa bansa kaya’t umakyat na sa 1,171,403 ang kabuuang bilang ng tinamaan ng nasabing virus.
