Inihayag ni Cebu City mayor Michael Rama na mas hihigpitan nito ang pagpapatupad ng COVID-19 vaccination program lalo na sa young adults at menor-de-edad kabilang na ang pediatric group.
Ayon kay Rama, inatasan niya ang City Health Department na paigtingin ang kampanya at siguraduhing lahat ng kuwalipikadong residente ay makatatanggap ng booster shots.
Nais din niyang masiguro na naipatutupad ang inisyatibang parent-supervised household preparedness na layong magbukas ng vaccination sites sa mga piling paaralan at mapaigting pa ang house-to-house vaccination na tinatawag na “toktok bakuna”
Samantala, sinabi ni Rama na dapat maging handa ang mga magulang sa pagbabalik-eskwela o in-person classes ng kanilang mga anak.
