Tumaas ang naitalang Covid-19 positivity rate sa ilang lalawigan.
Ayon kay octa research fellow Guido David, mula 18.4% ay sumirit sa 22.9% ang positivity rate ng Aklan mula December 24 hanggang 31.
Tumaas din ang positivity rate ng Iloilo sa kaparehong panahon sa 3.8% habang 3.6% naman sa South Cotabato.
Nakapagtala naman ng mababang positivity rate ang ilang probinsya, kung saan ang Oriental Mindoro ang nakapagtala ng pinakamalaking pagbaba na may 14.5% mula sa dating 36.6% gayundin ang Palawan na nakapagtala naman ng 16.5% mula sa 21%.
