Pinabulaanan ng Customs Intelligence Officer na si Joel Pinawin na may natatanggap siyang tara sa loob ng pitong taon niyang serbisyo sa ahensya.
Maliban dito, sinabi ni Pinawin na wala din siyang alam ukol sa umano’y bigayan ng tara sa risk management office ng BOC o Bureau of Customs.
Matatandaang positibong itinuro ng customs broker na si Mark Taguba si Pinawin na isa sa mga tumatanggap ng tara sa ahensya.
Habang kabilang din si Pinawin sa mga opisyal ng Customs na pinangalanan ni Senador Panfilo Lacson na nakikinabang sa naturang iligal na sistema sa Aduana.
