Nagsilikas na ang higit tatlong daang (300) pamilyang apektado sa patuloy na pag-atake ng Armed Forces of the Philippines (AFP) sa pwersa ng BIFF o Bangsamoro Islamic Freedom Fighters at tatlo (3) umanong mga Indonesian terrorist sa Maguindanao.
Ayon kay 6th Infantry Division Spokesman Capt. Arvin Encinas, target nila ang grupo ni Kumander Bungos ng BIFF na nagkukuta ngayon sa ilang barangay sa bayan ng Datu Salibo.
Kinumpirma rin ng militar ang presensya ng 3 Indonesian terrorist na kasama ni Kumander Bungos na nagsasanay sa mga rebelde sa paggawa ng bomba.
Tinatayang nasa labing isang (11) rebelde na ang nasawi habang marami na ang nasugatan sa patuloy na operasyon ng militar.
By Rianne Briones
