Panibagong dagdag presyo ang ipinatupad ng mga kumpanya ng langis sa kanilang mga produkto ngayong Martes Santo.
Alas-12:01 kaninang hatinggabi nang ilarga ng Chevron Philippines o Caltex ang dagdag piso at singko sentimos (P1.05) sa kada litro ng gasolina; sitenta’y singko sentimos (P0.75) sa diesel habang sisenta sentimos (P0.60) sa kerosene o gaas.
Ipinatupad naman ng Petron, Shell, Chevron, Eastern Petroleum, Jetti, Unioil, Flying V, P.T.T at Petro Gazz ang kahalintulad na price increase ngayong alas-6:00 ng umaga.
Ang panibagong price hike ay bunsod ng paggalaw ng presyo ng krudo sa pandaigdigang pamilihan.
—-
