Dagdag-singil sa tubig inihirit

Inihirit ng mga water utilities na Maynilad at Manila Water ang dagdag-singil sa tubig sa  NWRB o National Water Resources Board.

Ito’y dahil sa apektado na ng palitan ng piso kontra dolyar, yen at euro ang utang ng MWSS o Metropolitan Waterworks and Sewerage System at mga concessionaires.

Batay sa pagtaya, nasa dalawampu’t siyam na sentimos (P0.29) kada cubic meter ang inihihirit ng Maynilad habang nasa pitong sentimos (P0.07) kada cubic meter naman ang petisyon ng Manila Water.

Gayunman, hindi na maihahabol pa ng dagdag singil sa paparating na water billing sa Hulyo 1 dahil kailangang ilabas sa publiko ang naaprubahang dagdag na singil sa loob ng 15-araw.

By Jaymark Dagala

Comments

comments