Dalawang indibidwal ang nasawi sa matinding pagbaha na dulot ng malakas na pag-ulan sa Western Saudi Arabia.
Ayon sa awtoridad, ilang mga indibidwal din ang nasagip mula sa mga sasakyang nalubog sa baha.
Kabilang sa mga naapektuhan ng kalamidad ang siyudad ng Jeddah, kung saan ilang flights ang kinansela at sinuspinde rin ang pasok sa mga paaralan.
Maliban dito, ipinasara rin ang ilang mga tulay bilang pag-iingat sa epekto ng matinding pag-ulan.
Pinayuhan naman ng Mecca Regional Government ang mga mamamayan na mag-ingat at huwag lumabas ng bahay kung hindi kinakailangan.
