Patuloy na pinaghahanap ng mga otoridad ang dalawa pang suicide bombers.
Ito ayon kay General Cirilito Sobejana, hepe ng Western Mindanao Command ay dahil base sa natanggap nilang intelligence information, mayroong limang suicide bombers kung saan tatlo ang nagpakamatay sa pamamagitan ng pagpapasabog sa kanilang mga sarili.
Kabilang dito si Norman Lasuca, ang unang Pinay suicide bomber na sangkot sa pagpapasabog sa isang military camp sa Indanan, Sulu noong Hunyo at isa pang hindi pa nakilalang bomber.
Ang ikatlo ay isang babaeng suicide bomber na bigong maka atake sa military detachment sa parehong bayan noong linggo.
Tiniyak ni Sobejana na hinahanap na ng security forces kung nasaan pa ang ibang suicide bombers.
