Humirit ng diskwento sa piyansa ang dalawang anak ni Pork Barrel Scam Queen na si Janet Lim Napoles.
Ito’y kaugnay sa kinakaharap na patong-patong na bilang ng kasong graft at malversation ng magkapatid na si Jo Christine at James Christopher pati na rin ang tiyuhin nilang si Ronald Francisco Lim.
Nabatid na umabot sa 66.93 Million Pesos ang piyansang kailangan nilang bayaran para sa 194 na kasong kriminal na kinakaharap ng mga ito.
Nakiusap ang dalawang anak ni Napoles na maging 64.86 Million Pesos o 97 porsyento na lamang ang kanilang piyansa para sa pansamantalang pagkakalaya.
Kasabay nito hiniling din sa korte Ni lim at ng magkapatid na ipagpaliban muna ang pagpapalabas ng arrest warrants laban sa kanila habang nakabinbin pa ang kanilang mosyon kaugnay sa kanilang piyansa.
