Nagpalitan ng putok ang dalawang armadong grupo sa lalawigan ng Maguindanao.
Ayon sa mga awtoridad, nagkaroon ng engkwentro sa pagitan ng pamilya Mindalagat laban sa grupo ni Balaumol Paglas sa barangay Dungguan Datu Montawal sa Maguindanao.
Ayon sa mga saksi, tatlo ang nasawi sa marahas na engkwetro habang dalawa naman ang sugatan.
Kasunod nito, agad namang lumikas ang mga sibilyang takot na maipit sa gulo.
Dahil dito iniutos ni Mayor Otho Montawal na mag-ayos ang dalawang grupo at ipairal ang kapayapaan.
Samantala, kasalukuyang nanunuluyan ang mga bakwit sa mga paaralan at kanilang mga kaanak.
Sa panulat ni Ace Cruz.
