Magkasunod na inatake ng mga hinihinalang miyembro ng NPA o New People’s Army ang dalawang kampo ng pamahalaan sa Sorsogon, kagabi.
Ayon kay Sorsogon Provincial Police Director Senior/Supt. Marlon Tejada, unang pinasabugan ng granada ang harapan ng Camp Fabilane na sub command ng Philippine Army.
Matapos ang ilang minuto ay sumunod na hinagisan ng granada ang Camp Escudero ng PNP.
Wala namang naiulat na nasugatan sa insidente.
Naniniwala naman si Tejada na ang nasabing pag-atake ay bahagi pa rin ng paghihiganti ng NPA sa pagkakapaslang ng isang nilang top official sa Sorsogon na si Andres Hubilla.
By Krista de Dios
