Natagpuang wala nang buhay ang dalawang lalaking Menor De Edad sa Cabanatuan City, Nueva Ecija
Kinilala ng awtoridad ang mga biktima na sina Kyle Joseph Dela Cruz, at Jamil Fermin.
Sa salaysay ng magulang ng mga biktima, nagpaalam ang kanilang mga anak na dadalo sa isang debut ng kaibigan.
Gayunman, hindi na nakauwi ang dalawang binatilyo hanggang sa may nakakita sa bangkay ng mga biktima sa Irrigation Canal sa gilid ng kalsada.
Nadatnan ng pamilya ang wala ng buhay na katawan ng mga biktima na may nakadagang motorsiklo.
Halos hindi makilala ang isa mga biktima dahil sa tindi ng tinamong pinsala sa mukha at iba pang bahagi ng katawan.
Pinaniniwalaan ng mga pulis na tinorture muna bago pinatay ang dalawang lalaking tinedyer , dahil sa mga natamo ng mga ito
Kumakalap na rin ng mga cctv footages ang pulisya na maaaring makatulong o magbigay ng lead sa kanilang imbestigasyon.
