Ayon sa Abu Dhabi Judicial Department, ang dalawang lalaki ay miyembro ng tinatawag na “whatsapp” Drug Organized Overseas Criminal Group.
Sa naging pagdinig ng Abu Dhabi Criminal Court, ang dalawa ay dealer umano ng mga drogang mula sa labas ng bansa.
Gamit ang whatsapp, isang mobile application, kanilang ipinadadala ang lokasyon na may map coordinates at larawan ng mga ibinebentang illegal drugs para makolekta ng mga kliyente.
Ang naturang mga pilipino ay naghahanda ng bentahan mula sa paghahati hanggang sa pag-deliver ng mga ipinagbabawal na gamot.
Naaresto ang dalawa sa kanilang tinitirhan at nakumpiska sa kanila ang mga gamit tulad ng mga mobile phone at ilan pang kagamitan sa pagbebenta ng illegal na droga.
