Dalawang sakay ng motorsiklo ang patay matapos bumangga sa isang truck sa bayan ng Hagonoy, Davao del Sur.
Kinilala ng Hagonoy Municipal Police ang mga biktima na sina Crisnol Sulutan at angkas nitong si Ever Delatina.
Mabilis umano ang takbo ng motorsiklo kaya’t bigla na lang umano itong bumangga sa likod ng truck sa Barangay Guihing.
Nag-overtake pa umano sina Sulutan sa isang pedicab bago bumangga sa truck.
Hawak na ng pulisya ang driver ng truck na maaari namang maharap sa kaso. — sa panulat ni Drew Nacino.
