Muling binanatan ni Pangulong Rodrigo Duterte ang dalawang higanteng Telecommunications Company na Globe at Smart.
Ito’y makaraang makarating sa Pangulo ang tangka ng dalawang higanteng kumpaniya na isahan muli ang pamahalaan para pigilan ang pagpasok ng Third Telco player mula sa China.
Sa pinangunahang pagpupulong ng Pangulo sa Cebu, sinabi nitong hindi tama na kunin o bilhin pa ng mga naturang Telcos ang nalalabing frequency na siya aniyang nakalaan para sa ikatlong Telco player.
Giit pa ng Pangulo, kung hindi pa niya binantaan ang dalawang Telco na ipasisilip sa BIR ang libro ng mga ito hindi pa aniya ibabalik ng Smart sa gubyerno ang kinuha nilang frequency.
Ulat ni DWIZ Patrol Reporter Jopel Pelenio
Posted by: Robert Eugenio
