Patay ang dating alkalde ng Medellin, Cebu makaraang pasukin ito sa loob ng kanyang kwarto sa isang ospital at pagbabarilin ng mga armadong lalake.
Ayon kay Police Master Sgt. Winston Esdane ng Medellin PNP, sa comfort room na ng kanyang kwarto sa ospital nakita ang katawan ni dating Mayor Ricardo Ramirez na may mga tama ng bala.
Batay sa paunang imbestigasyon, ilang armadong lalake ang pumasok sa ospital at pinadapa ang nadatnang staff kaninang madaling araw bago dumiretso sa kwarto ni Ramirez.
July 2017 nang arestuhin si Ramirez sa kasong illegal possession of firearms subalit isinailalim sa hospital arrest dahil sa pananakit ng dibdib.
