Pinatunayan ni dating Energy Secretary Carlos Jericho Petilla na walang forever sa larangan ng pulitika.
Ito’y makaraang kumalas na si Petilla sa kaniyang partido na Liberal upang lumipat sa partido ng administrasyon na PDP Laban o Partido Demokratiko Pilipino – Lakas ng Bayan.
Isa si Petilla sa mga nanumpa sa ruling party nuong Agosto 2 kasama ang kaniyang kapatid na si Leyte Governor Leopoldo Dominico o Dominic Petilla.
Ayon sa dating kalihim, inimbitahan sila ni Senate Secretary at dating Eastern Samar Governor Lutgardo Barbo na umanib sa nasabing partido ni Pangulong Rodrigo Duterte.
Magugunitang kilalang malapit kay dating Pangulong Noynoy Aquino ang mga Petilla kung saan, mula sa pagiging gubernador ay naging bahagi pa ng gabinete nito.
