Inilabas na ng Sandiganbayan Fourth Division ang warrant of arrest laban kay dating Laguna Governor ER Ejercito.
Ipinabatid ito ni Clerk of Court Atty. Joe Chris Zapata makaraang ipag-utos ng Anti-Graft Court ang pag-aresto kay Ejercito dahil sa kabiguang dumalo sa kanyang arraignment ngayong araw para sa kasong graft.
Forfeited din ang P30,000 na bail bond na una nang inilagak ni Ejercito.
Ayon kay Zapata, kinakailangang magpiyansa ng panibago si Ejercito para sa kasong graft, depende sa magiging desisyon ng korte.
By Meann Tanbio | Jill Resontoc (Patrol 7)
