Sa kauna-unahang pagkakataon ay nagpakita sa publiko si dating Pangulong Rodrigo Duterte.
Limang buwan ito matapos bumaba sa pwesto ang dating pangulo na nagkaroon ng reunion sa mga dating gabinete nito sa Dusit Thani Hotel sa Makati.
May tema ang reunion na “Night of the singing ex-cabinet members” na ginanap kagabi.
Inamin naman ng pangulo sa isang panayam kasama ang mga dating gabinete nito, na nakararanas na siya ng tremors sa kaniyang ulo dahil sa past head injuries matapos maaksidente sa pagmamaneho ng motor.
Emosyonal ding nagbalik-tanaw ang dating pangulo kasama ang ilang gabinete saliw ng iba’t ibang tugtugin.
Ang ibang mga cabinet members na dumalo sa event ay sina Martin Andanar, Teodoro Locsin Jr., Harry Roque, Benjamin Diokno, Alfonso Cusi at iba pa.
