Hindi makakadalo si Dating Pangulong Noynoy Aquino sa balak na pagpupulong ng Pangulong Duterte para talakayin ang isyu sa West Philippine Sea.
Sa isang mensahe na pinadala sa reporters, sinabi ng kampo ng dating pangulo na walang natanggap na pormal na imbitasyon, kahit email si Aquino mula sa Malacañang.
Sa statement, sinabing matuloy o hindi ang pagpupulong ay ipinaabot ng dating Pangulo ang kanyang “regrets”.
Ito’y matapos na i-anunsyo ng Malacañang kahapon na binabalak ng Pangulong Duterte na pulungin ang mga dating Pangulong Fidel Ramos, Joseph Estrada, Gloria Macapagal Arroyo, at Aquino para pag-usapan ang isyu sa West Philippine Sea.
Ito’y sa halip na pulungin Ang National Security Council na pinangungunahan ni National Security Adviser Hermogenes Esperon.
Kasabay nito, nanindigan ang Malacañang na walang teritoryo ng bansa ang nawala sa ilalim ng administrasyong Duterte. —ulat mula kay Jaymark Dagala (Patrol 9)
