Patay sa ambush ang dating pinuno ng Anti-Illegal Drugs Units sa Mandaluyong at San Juan.
Nadamay sa pananambang kay retired Police Chief Inspector Hoover Pascual ang anak nitong si Bryan.
Ang dating pulis umano ang nagmamaneho ng sasakyan at katabi niya sa passenger seat ang anak nang pagbabarilin sila ng mga suspek sa Brgy. Hulo sa Mandaluyong City.
Nakaligtas naman ang gilrfriend ni Bryan na nakaupo sa likod ng sasakyan.
Sinasabing isang van ang humarang sa kotse ng mga biktima at sunud-sunod nang pinatutukan ng mga suspek ang sasakyan.
Iniimbestigahan na ng mga awtoridad ang ambush at inaalam kung may kinalaman ito sa dating trabaho ng retiradong pulis.
By Judith Larino
SMW: -RPE
