Arestado ng mga tauhan ng Philippine National Police – Integrity Monitoring and Enforcement Group (PNP-IMEG) ang isang dating Pulis na 2 taon nang tinutugis ng mga dating kabaro nito.
Kinilala ni IMEG Director P/Col. Thomas Frias Jr ang suspek na si Ruben Baliong, isang dating PO3 na nasukol habang nagtatago sa Abu Dhabi sa Kingdom of Saudi Arabia.
Nahaharap si Baliong sa mga kasong Murder at Physical Injuries sa bisa ng Warrant of Arrest na mula sa mga Korte ng Caloocan at Parañaque.
Enero a-4, 2019 nang napagalamang tumakas si Baliong patungong Abu Dhabi kung saan, duon din siya naaresto ng PNP sa pakikipag-ugnayan nito sa Philippine Center on Transnational Crime at Interpol National Central Bureau.
Nabatid na dating nakadestino sa Mandaluyong City Police Station 3 at nasasangkot din sa iligal na droga at gun for hire activities.
Ngayong hapon, iniharap ng IMEG sa Kampo Crame si Baliong matapos itong maiuwi sa Pilipinas sakay ng Etihad Airlines at lumapag sa Ninoy Aquino International Airport (NAIA) Terminal 3 kaninang alas-2 ng hapon. —ulat mula kay Jaymark Dagala (Patrol 9)
