Sumakabilang buhay na ang isa sa mga lider ng oposisyon nuong diktaduryang Marcos.
Mismong si Quezon City Mayor Herbert Bautista ang nag anunsyo sa Facebook page ng lungsod ang pagyao ni dating Vice Mayor Charito Planas sa edad na 87.
Isang necrological service ang itinakda sa December 8 sa Quezon City Hall bilang pagpupugay kay Planas.
Si Planas ay pinakahuling nakita ng publiko nuong Oktubre sa idinaos na State of the City address ni Bautista.
Ang dating Quezon City Vice Mayor ay nagsilbing spokesperson ng dating Pangulong Gloria Macapagal Arroyo.
Hindi naman tinukoy ang naging sakit ni Planas na una nang sumalang sa stem cell therapy nuong 2013.
