Niyanig ng magkasunod na pagsabog ang bayan ng Datu Odin Sinsuat, Maguindanao, kanina.
Dakong alas-6:30 nang umalingawngaw ang unang pagsabog sa isang bahagi ng highway.
Ayon kay Captain Arvin Encinas, Spokesman ng 6th Infantry Division, makalipas ang sampung minuto ay isa pang pagsabog ang narinig, labinlimang metro mula sa unang blast site.
Posible anyang mga improvised explosive devices ang idinetonate sa naturang lugar na malapit lamang sa division training school ng 6th ID.
Inaalam na kung sino o anong grupong nasa likod ng pambobomba at motibo sa nabanggit na insidente.
Ulat ni Jonathan Andal
