Ipinag-utos ni Davao City Mayor Inday Sara Duterte – Carpio na mananatiling hepe ng Davao City Police si Sr/Supt. John Michael Dubria.
Ito’y ayon sa alkalde ay para maramdaman aniya ni Dubria ang hapdi at sakit na dulot ng madugong pagpapasabog sa Roxas night market nuong Setyembre 2.
Giit ni Duterte – Carpio, hindi dapat makalimutan ni Dubria ang nasabing trahedya na ikinasawi ng 15 at kinasugat naman ng halos 70 dahil sa aniya’y naging kapabayaan ng mga awtoridad.
Iginagalang naman ni PNP Regional Police Office 11 Director C/Supt. Manuel Gaerlan ang naging pasya ni Mayor Duterte – Carpio at nagsabing patuloy nilang sinisikap na magkaroon ng magandang ugnayan sa mga lokal chief executive upang mapagsilbihang maigi ang kanilang nasasakupan.
By: Jaymark Dagala
