Aabot na sa P89-B ang nailabas na pondo ng Dept. Of Budget And Management (DBM) na mula sa P140-B appropriations act ng Bayanihan 2.
Ayon kay Budget Sec. Wendell Avisado, mayroon na lamang silang hinihintay na clearance mula sa Office of the President upang mai-release na ang natitirang pondo na para sa additional capital infusion ng Landbank, Development Bank of the Philippines at Philguarantee.
Sakaling maibigay na aniya nila sa mga ahensyang ito ang kanilang mga requested fund ay makukumpleto na aniya ng DBM ang pagrerelease ng P140-B sa ilalim ng Bayanihan 2.
Sa ngayon, halos lahat na aniya ng mga naka-allocate na pondo para sa iba’t-ibang tanggapan ng pamahalaan ay naipamahagi na ng budget department.
