Pinayagan ang hiling ni Senadora Leila de Lima na madalaw ng kanyang pamilya at mga kaanak sa araw ng Pasko at Bagong Taon.
Ayon sa staff ni De Lima, maaaring tumanggap ng bisita ang senadora sa bisperas ng Pasko December 24 at sa mismong araw ng Pasko, December 25 mula alas-8:00 ng umaga hanggang alas-5:00 ng hapon.
Gayundin maaari ring dalawin si De Lima ng kanyang mga kaanak sa bisperas ng Bagong Taon, December 31 at January 1 mula alas-8:00 ng umaga hanggang alas-5:00 ng hapon.
Una nang humiling si De Lima sa pamunuan ng PNP Custodial Center na payagan siyang mabisita ng kanyang mga kamag-anak at kaibigan sa Pasko at Bagong Taon na tumaon sa araw ng Lunes na “no visitor’s day” para sa senadora.
—-
