Ipinagpapasadiyos na lamang ni Manila Mayor Isko Moreno ang mga death threat ngayong nagpapatupad siya ng mga pagbabago sa lungsod.
Hindi man tuwirang kinumpirma o itinanggi kung may natatanggap na pagbabanta sa buhay ang alkalde, sinabi nito bahagi na rin ng kaniyang trabaho ang makatanggap ng death threat.
Aniya natural na lamang na kapag may nililinis ay may tinatamaang marumi at kapag may naapakang paa ay tiyak umanong may masasaktan din.
Gayunman, sinabi ng alkalde na tiwala siyang nand’yan ang Diyos para sa kaniya.
