Umakyat na sa 18 ang death toll sa patuloy na kilos protesta sa Chile.
Ito ay matapos mapilitan umanong magpaulan ng tear gas, rubber bullets at water canons ang mga pulis sa protesters.
Sinasabing nagalit pang lalo ang protesters ng mapatay ang isang 4 na taong gulang na bata ng sagasaan ng hindi pa nakilalang driver ang mga tao sa San Pedro Dela Paz.
Dahil sa kaguluhan nagpapatupad ng curfew ang mga otoridad sa bansa mula 10:00 ng gabi hanggang 4:00 ng umaga.
Ikinagagalit ng mamamayan ang anila’y maling pamamalakad sa gobyerno ni President Sebastian Pinera.
