Pumalo na sa 61 ang bilang ng mga nasawi dulot ng pagbaha kasabay ng pananalasa ng typhoon Damrey sa Vietnam
Binabayo na ng nasabing bagyo ang Vietnam mula pa noong weekend o ilang araw bago simulan ang pagho-host nila sa APEC Summit ngayong linggo.
Maliban sa mga nasawi, aabot sa 28 ang bilang ng mga nawawala kung saan, biktima ang ilan ng pagtaob ng bangka o di kaya’y natabunan ng landslide.
Tinatayang nasa 2,000 bahay ang gumuho habang nasa mahigit 80,000 ang napinsala at ilang dam ang nanganganib na ngayong umapaw dahil sa dami ng tubig na sinasalo nito.
—-
