Hindi na tuloy ngayong Disyembre ang kasal sana ni Cristine Reyes at fiance nitong si Ali Khatibi.
Ayon kay Cristine, sa halip ay kanila na lamang inilipat ang kasal sa Enero ng susunod na taon.
Paliwanag ni Cristine, nagahol na sila sa oras lalo pa’t nakasabay sa kanilang wedding planning ang pagpapagawa din ng kanilang bahay na talaga naman aniyang matrabaho.
Sinabi ni Cristine na sa Balesin gaganapin ang kanilang kasal ni Ali kung saan ay pangarap naman talaga aniya nilang maikasal sa beach.
Kung orihinal na plano kasi ang pag-uusapan sinabi ni Cristine na backyard wedding talaga ang gusto nila ngunit ang problema ay di pa aniya tapos ang ipinagagawa nilang bahay.
By Ralph Obina
