Muling nanawagan si Defense Secretary Delfin Lorenzana sa mga mamamayan na magkaisa sa likuran ng mga bagong halal na opisyal ng pamahalaan.
Ginawa ni Lorenzana ang panawagan sa pamamagitan ng kanyang social media official account matapos magkasa ng mga kilos-protesta ang ilang grupo sa naging resulta ng eleksyon.
Ayon sa kalihim, tapos na ang halalan at nagsalita na ang taumbayan kaya’t kailangan aniyang respetuhin ang desisyon ng karamihan dahil ito ang esensya ng demokrasya.
